ഹണി ബി !

ഹണി ബി!

ഒരിക്കല്‍ കൂടി അയാള്‍ വാച്ചില്‍ നോക്കി,സമയം 6.30pm കുറച്ചു കൂടി പണി ബാക്കിയുണ്ട്. ഇന്നിത് കഴിചീട്ടെ പോകാവു എന്നാണ് ഉത്തരവ്.

ഒരു കാജാബീഡി കൂടി കത്തിച്ചു ആഞ്ഞു വലിച്ചു അയാള്‍ ബാക്കിയുള്ള മണല്‍ വാരുവാന്‍ പോയി.

മണ്ണി 8pm ആയപ്പോഴേക്കും ഒരുവിധം പണി കഴിച്ചു അയാള്‍ കവലയിലേക്കു നടന്നു...

ടൌണിലെക്കുള്ള ലാസ്റ്റ് ബസ്‌ 8.15pmനാണ് ,അതുപോയാല്‍ പിന്നെ ഓട്ടോ വിളിച്ചുപോണം.
ടൌണില്‍ നിന്നും സാധനം വാങ്ങി ഇതേ ബസില്‍ തന്നെ തിരിക്കണം,പിന്നെ ടൌണില്‍നിന്നും നാട്ടിലേക്കു ബസില്ല.

ഒരിക്കല്‍ കൂടി അയാള്‍ കൈയിലെ പൈസ എണ്ണിനോക്കി,300 രൂപ,കൂലി മുഴുവന്‍ കിട്ടിയില്ല, ബാക്കി അടുത്ത ആഴ്ച്ച തരാമെന്നാ പറഞ്ഞത്.

കൂറച്ചു പലചെരക്ക് സാധനങ്ങള്‍ വാങ്ങണം പിന്നെ ഒരു ഹാഫ് ബോട്ടില്‍ ഹണി ബീ , ഒരു പാക്കറ്റ് കുരുമുളക് പൊടി,ഒരു 3 താറാമുട്ട.

ചാരായമായിരുന്നു നല്ലത്,വാറ്റു നിര്‍ത്തിയതില്‍ പിന്നെ നല്ല ചാരായം കിട്ടാനില്ല.
പിന്നെയുള്ളത് കളവാറ്റ്,അതു ചെല്ലപ്പോ...? കണ്ണ് ഫ്യുസാകും ഇപ്പോ ആകെ വിശ്വസിക്കാവുന്നത് കേരള ബീവറേജസ് കോര്‍പറേഷന്‍നെയാ (ബെവ്കോ).

തമ്മില്‍ ഭേദം ഹണി ബീ തന്നെ 180 രൂപയ്ക്ക് ഒരു ഹാഫ്.

ടൌണില്‍ ബസിറങ്ങി അയാള്‍ നേരെ ബീവറേജസ് ലക്ഷ്യംമാക്കി നടന്നു... അല്ല ഓടി...,
9 മണിക്ക് ബിവറേജസ് അടയ്ക്കും അതിനുമുന്‍പ്‌ അയാള്‍ക്കവിടെ എത്തണം..

ഒരു ഹാഫ് ബോട്ടില്‍ ഹണി ബീ ബ്രാണ്ടി അതുമാത്രമായിരുന്നു അയാളുടെ ചിന്ത. ബിവറേജസ്സിനു മുന്‍പില്‍ അയാള്‍ ഒരു കിതപോടെ നിന്നു.

ഭാഗ്യം...

ബീവറേജസ് അടച്ചിട്ടില്ല, അയാളും വേഗം പോയി ആ ക്യുവില്‍ നിന്നു...

ഒരു ഹാഫ് ബോട്ടില്‍ ഹണി ബീയും വാങ്ങി ലോകത്തിലെ ഏറ്റവും സംതൃപ്തന്നായ മനുഷ്യനെ പോലെ അയാള്‍ പലചരക്ക് കട ലക്ഷ്യംമാക്കി നടന്നു.

പലചരക്ക് കടയില്‍ നിന്നു അത്യാവശ്യം വീട്ടുസാമാനങ്ങളും,ഒരു പാക്കറ്റ് കുരുമുളകും,3താറാമുട്ടയും അയാള്‍ മറക്കാതെ വാങ്ങി.

വീട്ടു സാമാനങ്ങള്‍ വാങ്ങിയിലെങ്കിലും ഹണി ബീയും കുരുമുളകും , താറാമുട്ടയും വാങ്ങാതെ അയാള്‍ക്ക് ടൌണ്‍ വിട്ടു പോരാനാകുമായിരുന്നില്ല.
എല്ലാം കൈയില്‍ കരുതിയ ഒരു തുണി സഞ്ചിയില്‍ പൊതിഞ്ഞു അയാള്‍ ലാസ്റ്റ് ബസുപിടിക്കനായി ബസ്‌സ്റ്റാന്റ് ലക്ഷ്യംമാക്കി നടന്നു...
***********

അയാള്‍ ഒരു മദ്യപാനിയല്ല... പിന്നെയെന്തിനു ബ്രാണ്ടിയും കുരുമുളകും താറാമുട്ടയും വാങ്ങണം...?

അയാളുടെ കൊച്ചുമകന്‍ തുള്ളുന്ന പനീ (കടുത്ത പനീ ) പിടിച്ചു വീട്ടില്‍ കിടപ്പാണ് , ഒപ്പം തോരാത്ത മഴയും. പനീചു കിടക്കുന്ന മകനെയും കൊണ്ട് ടൌണിലെ ആശുപത്രിയില്‍ വരാവുന്ന ഒരവസ്ഥയില്‍ അല്ല അയാള്‍ , ഒരു ദിവസത്തെ പണി കളയണം പിന്നെ വണ്ടിചെലവും.

ഹണി ബീ ബ്രാണ്ടിയും, കുരുമുളകും വാങ്ങിയത് ഒരു നാടന്‍ കഷായം ഉണ്ടാക്കുവാന്‍ വേണ്ടിയാണ്.
പനീ മാറാന്‍ ഏറ്റവും നല്ലത് ഈ നാടന്‍ കഷായം തന്ന്യാ.....

ഒരു അര ഗ്ലാസ്‌ ബ്രാണ്ടിയും കുറച്ചു കുരുമുളകുപൊടിയും കൂടി വെള്ളം ചേര്‍ക്കാതെ ഒരൊറ്റ വലി.....
എന്നീട്ടു ഒരു കബളിയും പുതച്ചു ഒരൊറ്റ ഉറക്കം , ഒന്ന് വിയര്‍ക്കണം.... ഏത് പനിയും പമ്പകടക്കും...,മലബനി മുതല്‍ പന്നി പനീ വരെ ഈ കഷായത്തിനു മുന്നില്‍ വിട്ടു പോകും

പിന്നെ ഒരു കിണം ചുടു കഞ്ഞിയും , കുറച്ചു ആടലോടകവും ഉലുവയും ചേര്‍ത്ത ഒരു താറാമുട്ട ഒമലെട്ടും .... ഏത് പനിയും ക്ഷിണവും മാറും.

***********

ഈ നാടന്‍ കഷായം തന്‍റെ കൊച്ചുമോന്റെ പനീ മാറ്റും എന്ന ആത്മവിശ്വാസം ബസ് സ്റ്റാന്റ് ലക്ഷ്യമാക്കിയുള്ള അയാളുടെ നടത്തത്തിന്നു വേഗം കൂട്ടി.

(കുറിപ്പ് : "ലണ്ടന്‍ യാത്ര" ,എന്ന കഥ വായിച്ചതിനു ശേഷം വായനക്കാരായ നിങ്ങള്‍ നല്‍കിയ പ്രചോദനമാണ് ഈ കഥയെഴുതുവാന്‍ എന്നെ പ്രേരിപ്പിച്ചത്.)