ഒരു ലണ്ടന് യാത്ര
എബിമോന് ഇന്നു ഹാപ്പിയാണ്.അവന്റെ സ്വപ്നങ്ങള് പൂവണിയാന് പോകുന്നു.രണ്ടു ദിവസത്തിനകം അവന് ലണ്ടനില് പോകുകയാണ്.
ഇനി രണ്ടുവര്ഷം ലണ്ടനില് എംബിഏ(MBA).അതിനു ശേഷം രണ്ടു വര്ഷം ലണ്ടനില് ജോലി പിന്നെ പെര്മനന്റ് രസിടണ്ട്(Permanent Resident).
വളര്ന്നു വരുന്ന ഏതൊരു യുവാവിന്റെയും പോലെ എബിമോനും ഒന്ന് മോഹിച്ചു ഒരു എന് ആര് ഐ(NRI)ആവാന്.ഇപ്പോ ഗള്ഫിന്റെ ഡിമാണ്ട് പോയി.
അമേരിക്കയോ,യുറോപ്പോ........ലണ്ടാന്നാണേല് ബെസ്റ്റ്.
അടുത്ത വീട്ടിലെ ജോര്ജ്നെയും ശേര്ലിയെയും പോലെ മൂന്നോ നാലോ കൊല്ലം കൂടുമ്പോള് നാട്ടില് വരുക കുറച്ചു മുരിയിങ്കളിഷും പറഞ്ഞു ഒരു മുറിവാലന് ട്രൌസരുമ്മിട്ടു ഒരു മുറിവാലന് ജര്മന് ഷപ്പെട് പട്ടിയെയും പിടിച്ചു വൈകിട്ട് നാട്ടുകാര് കാണ്കെ ഒരു ജോഗ്ഗിംഗ്.
പിന്നെ ഞായറാഴ്ചകളില് വിലകൂടിയ സെന്റും പൂശി കുറച്ചു 916 പതക്കങ്ങളുംമിട്ടു(ഒരു ഗ്രാം റോള്ഡ് ഗോള്ഡ്)ഒരു പള്ളി പ്രദിക്ഷണം.
ജോലിയോ കൂലിയോ ഇലേലും അങ്ങ് ലണ്ടനില് ആണേല് പെണ്ണ് കിട്ടാനും ഒരു ബുദ്ധിമുട്ടുമില്ല....പിന്നെയെങ്ങന്യ എബി ലണ്ടനില് പോകാതിരിക്യ?.....
ഇന്നു കൂട്ടുക്കാര്കെല്ലാം ഒരു ചെറിയ പാര്ട്ടി/മദ്യ സല്ക്കാരം ( വെള്ളമടി പാര്ട്ടി ),നാളെ വിട്ടില് ബന്ധുക്കള്ക്ക് ഒരു ചെറിയ പാര്ട്ടി.
ഈന്നോന്നു മിനുങ്ങണം, നാട്ടിലെ അവസാന വെള്ളമടി പാര്ട്ടി, ബന്ധുക്കളുടെയും വീട്ടുകാരുടെയും മുന്പില് വെച്ചു കുടിക്കാനകിലലോ.
പിന്നെ എന് ആര് ഐ ആയിട്ടു കൂട്ടുകാരുടെ കൂടെ കുടിക്കാന്നു പറഞ്ഞാ....നമ്മടെ സ്റ്റാന്ഡേര്ഡ്......
അതുകൊണ്ട് ഇന്നത്തെ ലാസ്റ്റ് കോട്ടയാ.....ഒന്നു നന്നായി മിനുങ്ങണം....
നഗരത്തിലെ വലിയ മോശമിലാത്ത ബാറിന്നു കുറച്ചു തേനിച്ച (ഹന്നി ബി/HONEY BEE), നേപോള്യന്(Napoleon)പേരിനു കുറച്ചു മരംകൊത്തിയും(കിംഗ്ഫിഷര് ബിയര് /Kingfisher Beer).
എബിയും കൂട്ടുക്കാരും ഒന്നു നന്നായി മിന്നുങ്ങി......രാത്രി 11 മണിവരെ.... ബാറടച്ചു ഷട്ടര് ഇട്ടുന്നു ഉറപ്പിചീട്ടേ കൂട്ടുകാരും എബിയും പിരിഞ്ഞുള്ളൂ.
മദ്യ ലഹരിയില് എബി തന്റെ ബൈക്കില് വീട് ലക്ഷ്യമ്മാക്കി കുതിച്ചു. ഇളം കാറ്റില് ഈ ലഹരിയില് ബൈക്കില് പോകാനെന്തു രസം...
നഗരത്തിലെ നാല്ക്കവലയില് എത്തിയപ്പോള്"മദ്യപിച്ചു വാഹനം ഓടിക്കരുത്" എന്നെഴുതിവെച്ച ബോര്ഡ് തന്നെ നോക്കി പുഞ്ചിരിക്കുനതായി തോന്നി എബി തിരിച്ചും ഒന്നു പുഞ്ചിരി തൂകി.
നഗരത്തിലെ ഗട്ടറുകള് നിറഞ്ഞ വഴിയില് നിന്ന് എബി എയര്പോര്ട്ട് റോഡിലേക്ക്....
ഇതൊരു ഷോര്ട്ട് കട്ടാണൂ....വീടിലേക്ക് എളുപ്പം എത്താനുള്ള ഒരു ഷോര്ട്ട് കട്ട്.
വിജനമായ എയര്പോര്ട്ട് റോഡിലുടെ എബി മുന്നോട്ട്.....
അപ്പോള് ദുബായ്-ലണ്ടന് എമിരേറ്റ്സ് ഫ്ലൈറ്റ് (Emirates Flight)എയര്പോര്ട്ടില്നിന്ന് അന്തരിക്ഷത്തില് ഉയര്ന്നു പോകുന്നത് എബിക്ക് കാണാം...ഒരു കിനാവുപോലെ
ആ കിനാവില് എബിയോന്നു മയങ്ങിയോ.....കണ്ണ് തുറന്നു നോക്കിയപോള് മുപില് ഒരു കലുങ്ക്...ബൈക്ക് ആ കലുങ്ക്കിലോന്നാഞ്ഞിടിച്ചു....
എബി പറക്കുകയാണ്....ആ എമിരേറ്റ്സ് ഫ്ലൈറ്റ്നൊപ്പം....ലണ്ടനിലേക്ക്.....
പക്ഷെ ഇ യാത്രക്ക് അയാള് പാസ്പോര്ട്ടോ..., വിസയോ..., ഫ്ലൈറ്റ് ടിക്കറ്റോ കൈയില് കരുതിയില്ല....
നാല്ക്കവലയിലെ സൈന് ബോര്ഡ് ജനങ്ങളെ നോക്കി" മദ്യപിച്ചു വാഹനം ഓടിക്കരുത്"എന്നപോഴും പുഞ്ചിരി തൂകുനുണ്ടായിരുന്നു......
Very similar concept as another story but good. Keep it up........
ReplyDeleteall stories are intresting dev,and some r really good.keep it up.
ReplyDelete