വീണ്ടും അപ്പു !

വീണ്ടും അപ്പു!

ഇന്ന് രണ്ടാം ശനി(Second Saturday)ക്ലാസ്സില്ല!

അപ്പു കുറച്ചു നേരം വൈകിയാണ് ഉണര്‍ന്നത്.മതിലിന്നപുറത്തെ ഫ്ലാറ്റ് പണി തകൃതിയായി നടക്കുനുണ്ട്.അവിടെ തട്ടുന്നതിന്റെയും മുട്ടുന്നതിന്റെയും ശബ്ദങ്ങള്‍ കേള്‍ക്കാം.ജനലിലൂടെ നോക്കിയാല്‍ നിറയെ സിമന്‍റ് പില്ലറുകള്‍.

പ്രഭാത കൃത്യങ്ങള്‍ കഴിഞ്ഞു കുറച്ചു മാഗി ന്യുടില്സും കഴിച്ചു നേരെ കംബ്യുട്ടര്‍ ഓണ്‍ ചെയ്തു. തീ കുറുക്കന്റെ(ഫയര്‍ ഫോക്സ്)സഹായത്താല്‍ ഗൂഗിളില്‍ പോയി തന്റെ ഫേസ് ബുക്കും(മുഖ പുസ്തകവും)ഓര്‍ക്കുട്ട് അക്കവുണ്ടും ഓപ്പണ്‍ ചെയ്തു തന്റെ സ്ക്രാപുകള്‍ ചെക്ക് ചെയ്തു,മീനുവിന്റെ സ്ക്രാപ്പ്.... ,ചക്കിടെ സ്ക്രാപ്പ്...,സൂര്യെടെ സ്ക്രാപ്പ്.........

പിന്നെ കുറെ സ്ക്രാപ്പുകള്‍ കൂട്ടുകാര്‍ക്കും അയച്ചു.

പിന്നെ ആഡ് ഫ്രണ്ട് റിക്വസ്റ്റ്ല്‍ പോയി ,6 ഫ്രണ്ട് റിക്വസ്റ്റ്,4 പേരെ ആഡ് ചെയ്തു,രണ്ടു പേരെ അറിയില്ല അതുകൊണ്ട് ആഡ് ചെയ്തില്ല.

അപ്പുവിപ്പോള്‍ എന്നും രാവിലെ ഫേസ് ബുക്കും,ഓര്‍ക്കുട്ടും ചെക്ക് ചെയ്തിട്ടേ വേറെ എന്തും ചെയാറുളൂ.
അപ്പുവിനിപ്പോള്‍ എല്ലാം ഓണ്‍ലൈന്‍ ഫ്രെണ്ട്സാ.

ആകെ കുട്ടുക്കാരുമോത്തു കളിക്കുന്നത് സ്കൂള്‍ ഗ്രൌണ്ടിലാ....നഗരത്തിലെ കൊണ്ക്രിറ്റ് കാടുകളില്‍ കളിക്കാന്‍ പ്ലേ ഗ്രൌണ്ടില്ല പിന്നെ ആകെയുള്ളത് ഓര്‍കുട്ടും ഫേസ് ബുക്കും ഓണ്‍ലൈന്‍ ഗൈമ്സും.

ഫേസ് ബുക്കിലും,ഓര്‍ക്കുട്ടിലും ഒരു ശയനപ്രദിക്ഷണം ചെയ്തപ്പോള്‍ ഒരു സംതൃപ്തി.

കുറച്ചു നേരം ഓണ്‍ലൈന്‍ ഗൈമ്സില്‍ നീഡ്‌ ഫോര്‍ സ്പീഡില്‍(Need for Speed)ബൈക്കും ഓടിച്ചു,പിന്നെ കംബ്യുട്ടര്‍ ഓഫ്‌ ചെയ്തു.

ഡ്രോയിംഗ് റൂമില്‍ അമ്മ ടിവിയും ഓണ്‍ ചെയ്തു ഇന്നലത്തെ റിയാലിറ്റി ഷോയുടെ ബാക്കി കാണുന്നു.

അപ്പു ഫ്രിഡ്ജില്‍ നിന്നും ഒരു കാട്ബരിസ് ചോകലെറ്റ് എടുത്തു അതും വായിലിട്ടു നുണഞ്ഞു തന്റെ ബാല്‍ക്കണിയില്‍ വന്നു മതിലിനപുറത്തു നടക്കുന്ന ഫ്ലാറ്റ് പണിയും നോക്കി നിന്നു.

ചില ജോലിക്കാര്‍ തലയില്‍ ചട്ടിയും പിടിച്ചു പടി കയറുന്നു....ഇറങ്ങുന്നു....ചിലര്‍ ചുറ്റിക കൊണ്ട് കബികളില്‍ അടിയ്ക്കുന്നു..., വളയ്ക്കുന്നു..,ചിലര്‍ സിമറ്റ് പില്ലറുകള്‍ നനയ്ക്കുന്നു..... ആകെ ജോല്ലിക്കാരുടെ തിക്കും തിരക്കും...

അപ്പു സശ്രദ്ധം കെട്ടിടപണിയും നോക്കി അങ്ങനെ ഒരു എഞ്ചിനിയരെ പോലെ നില്‍ക്കുബോള്‍ അപുറത്തു മണലില്‍ കളിച്ചു കൊണ്ടിരിക്കുന്ന ഒരു ബാലന്‍ അപ്പുവിനെ നോക്കി ചിരിച്ചു.

അപ്പു ആദ്യമായാണ് ഒരു ബാലനെ അവിടെ കാണുന്നത്.

ബാലനൊരു നാലു വയസു പ്രായം കാണും,കുറച്ചു മുഷിഞ്ഞ വേഷം,നീളമുള്ള എണ്ണ തേയ്ക്കാത്ത ചെബന്‍ മുടി.
ഒരു പക്ഷെ ആ കെട്ടിട പണിക്കാരിലെ ആരുടെയെങ്കിലും മകനായിരിക്കാം.

ബാലന്‍ അപ്പുവിനെ നോക്കി കൈകള്‍ വീശി...ഒന്ന് നിഷ്കളങ്കമായി ചിരിച്ചു.

അപ്പു കൈകള്‍ വിശി അവനെ നോക്കി ചിരിച്ചു,അപ്പു കൈയില്‍ ഇരിക്കുന്ന ചോക്കലേറ്റ് ഉയര്‍ത്തി കാട്ടി അവനു വേണമോ എന്നു ചോദിച്ചു.

ബാലനുടനെ കിശയില്‍ നിന്നും ഒരു ലോല്ലിപോപ്‌ മിടായിയെടുത്തു അപ്പുവിനെറിഞ്ഞു കൊടുത്തു

"അമ്പട ഇവന്‍ ആള് കൊള്ളാലോ" ഒരു പിക്കിരി പയ്യന്‍ തനിക്കു ലോലിപോപ്പ് എറിഞ്ഞു തരുന്നോ?

അപ്പു വേഗം പോയി ഫ്രിഡ്ജില്‍ നിന്നും രണ്ടു കാട്ബരിസ് ഡയറി മില്‍ക്ക് ചോകലെറ്റ് എടുത്തു ബാലന്നു എറിഞ്ഞു കൊടുത്തു....
രണ്ടുപേരും പരസ്പരം ഒന്നു നോക്കി നിഷ്കളങ്കമായി ചിരിച്ചു ....

പിന്നെ മതിലിനപുറവും ഇപ്പുറവും നിന്നു ചിരകാല സുഹൃത്തുക്കളെ പോലെ ഒരു ചിയേര്‍സ് പറഞ്ഞു ഒരു കഷണം ചോകലെറ്റ് വായിലിട്ടു നുണഞ്ഞു ....

പിന്നെ രണ്ടാളുംഎന്തൊക്കയോ പറഞ്ഞും ഗോഷ്ടികള്‍ കാട്ടിയും അങ്ങനെ കുറെ നേരം....

"അപ്പു പോയിരുന്നു ഹോം വര്‍ക്ക് ചെയൂ"എന്ന അമ്മയുടെ സ്നേഹമുള്ള ശകാരം അപ്പുവിനെ തന്റെ റൂമിലേയ്ക്ക് പോകുവാന്‍ നിര്‍ബന്ധിച്ചു.

"നാളെ വരാം"എന്നു തന്റെ സുഹൃത്തിനോട്‌ പറഞ്ഞു അപ്പു തന്റെ റൂമിലേയ്ക്ക്...

റൂമിലേയ്ക്ക് പോകുബോള്‍ ഓര്‍ക്കുട്ട്,ഫേസ് ബുക്ക് ഓണ്‍ലൈന്‍ നെറ്റ് വര്‍ക്കിന്നുമപുറത്തു ഒരു ഫ്രണ്ടിനെ ആഡ് ചെയ്തതിലുള്ള ആത്മസംതൃപതിയാല്‍ അപ്പുവിന്റെ മനസു നിറഞ്ഞിരുന്നു .

(കുറിപ്പ്: "അപ്പുവിന്റെ ചോദ്യങ്ങള്‍" എന്ന കഥയ്ക്ക്‌ വായനക്കാരായ നിങ്ങള്‍ നല്‍കിയ പ്രചോധനമാണ് ഈ കഥയെഴുതുവാന്‍ എന്നെ പ്രേരിപ്പിച്ചത്.)